Eigum góðar stundir á aðventunni. Kjörið færi fyrir fjölskylduna að fá sér sunnudagsrúnt í Arnardal líkt og forðum daga.

Opnum kl. 13 sunudaginn 6. desember 2009. Mini-Dalaport í Fjósinu (Hlaðan er frá vegna kulda) og kaffihlaðborð.
Kl. 14 koma jólasveinar í heimsókn. Svo verður lifandi tónlistarflutningur og kl. 16 verður lítið létt dótabingó fyrir yngri kynslóðina.

Við hlökkum til að sjá ykkur í Arnardal

Viltu gera þinn eigin aðventukrans í ár? komdu í Arnardal á fimmtudagskvöldið og eigum saman huggulega stund við aðventukransagerð. Júlíana Ernisdóttir í Blómaturninum mun kenna réttu handtökin og sýna mismunandi útfærslur af krönsum. Innifalið í námskeiðsgjaldi er: kransaundirlag (hringur), greni og vír, kennsla, kaffi og smákökur.

Þið þurfið að koma með kerti og skraut. Ath. hægt er að koma við hjá Júlíönu í Blómaturninum og fá aðstoð við val á skreytingum.

Verð. 4500 - Við byrjum kl. 20 - Kósýheit par excellence!

Skráningar hjá Önnsku í síma 8606062 og á arnardalur@arnardalur.is

Um komandi helgi verður heilmikið fjör í dalnum. Við verðum með tvær aukasýningar á hinni margrómuðu og agalega skemmtilegu Heilsugæslu eftir Lýð Árnason, þar sem Elfar Logi Hannesson og Margrét Sverrisdóttir fara á kostum. Miðapantanir í síma 860-6062 og á arnardalur@arnardalur.is

9. sýning - laugardagskvöldið 14. nóvember kl. 20:30
10. sýning - sunnudagskvöldið 15. nóvember kl. 20:30



Á sunnudag verður vakið upp af litlum blundi hið sívinsæla Dalaport sem hefur fengið sér um 2.ja mánaða lúr. jólin eru á næsta leiti og kjörið að næla sér í smá aukapenge fyrir dótið úr geymslunni eða koma handverkinu sem svo gaman er að gera í verð. Svo fyrir hina sem ekki eru að selja - þá er að koma og gera kostakaup! Dalaportið er í Hlöðunni frá 13-16:30. Söluborð bókast í síma 860-6062 eða á arnardalur@arnardalur.is

Eins og hefðin segir til um verður Kaffihlaðborð húsfreyjunnar í Fjósinu sama dag frá 14-16:30

Vegna ónógrar þátttöku verðum við að blása af Bollywoodkvöld sem vera átti í Arnardal í kvöld. Vestfirskar konur eiga þó enn kost á því að upplifa austræna stemningu og hrista á skankana á dansnámskeiði um helgina (sjá eldri frétt).

Annað kvöld, laugardag, verður mikið um dýrðir í dalnum er haustfagnaður Strandamanna fer hér fram!

Svo um næstu helgi verða aukasýningar á hinni stórskemmtilegu Heilsugæslu, miðnætursýning á laugardag kl. 23:30 og kl. 20:30 á sunnudag. En á sunnudag verðum við líka með hið sívinsæla Dalaport sem hefur verið í örlítilli pása og kaffihlaðborð húsfreyjunnar. Pantanir á söluborðum í síma 860-6062.

Um komandi helgi verður bæjarhátíðin Veturnætur haldin hátíðleg á Ísafirði. Hún er sértaklega haldin með það í huga að við lyftum okkur upp áður en skammdegið dettur inn af fullum þunga. Hér má sjá dagskrá hátíðarinnar í ár.

Á föstudagskvöldið verður Bollywoodkvöld í Arnardal. Yndislegur indverskur matur verður á hlaðborði og Rosana Davudsdóttir sýnir Bollywood dansa. Húsið opnar kl. 19 og kostar 4200 kr. Skráningar á arnardalur@arnardalur.is og í síma 860-6062 


Um helgina gefst Vestfirskum konum svo kostur á að æfa sig í framandi danslistum er boðið verður upp á námskeið bæði í magadansi og Bollywood dansi.  

Kennari á námskeiðunum er Rosana Davudsdottir, íslandsmeistari atvinnumanna í magadansi, hún hefur dansað og kennt magadans í árafjöld, meðal annars hefur hún kennt í Kramhúsinu og starfað sem magadansmær í Dubai, Líbanon og fleiri stöðum. Námskeiðsgjald er 7500 krónur fyrir hvort námskeið en hafi einhverjar hug á að taka bæði námskeiðin kostar það 12.000 krónur.

Námskeiðin fara fram í Ljósinu þínu. Skráningar fara fram hjá Írisi Jóns í Bókahorninu, í síma 898-5553 og á bokahornid@snerpa.is

Magadans

Laugardag og sunnudag frá kl. 11-13

Styrktu hið kvenlega og finndu konuna í sjálfri þér. Byrjendanámskeið, þar sem konur geta lært þennan töfrandi dans. Dulúð og þokki - fyrir allar sem vilja styrkja konuna í sjálfri sér.

Bollywood

Laugardag og sunnudag frá kl. 14-16

Það er mikil gleði í Bollywood dönsunum og er þetta námskeið fyrir allar konur sem vilja kynnast gleðinni ,tónlistinni og hreyfingunni í Bollywood.  Kenndur verður dans við lagið Jay Ho úr Slumdog millionare.

 

Strandamenn fagna bættum samgöngum með samkomu á Ísafirði laugardaginn 7. nóvember 2009.

Sófus Magnússon fór í matarkisturnar og verður boðið upp á veisluföngin á kvöldskemmtun í Arnardal

Á hlaðborði: m.a. Siginn fiskur m/mörfloti,selkjöt 2-3 teg og spik, hrefnukjöt, sviðalappir, reyktur rauðmagi, ekta plokkfiskur, hrossakjöt, vélindu, hörpuskel, kræklingur, ábrestir, lambakjöt og allskonar meðlæti

Þorsteinn Þráinsson matreiðslumeistari og Anna Sigríður Ólafsdóttir húsfreyja í Arnardal sjá um eldamennskuna.

Karlakórinn Ernir syngur, spurningakeppnir, góð  verðlaun, söngur, gamansögur o.fl.

Stórsveit Samma Rakara leikur fyrir dansi á milli klukkan 23-02

Veislustjóri Úlfar Ágústsson

Verð Kr: 4.900.-

Allir Strandamenn og vinir þeirra velkomnir

Panta þarf sæti fyrir fimmtudagskvöld 5/11.

Sófus sími 893-8355

Úlfar 864-0319

Netfang. ulfar@isafjordur.info.

Sama dag verður boðið upp á kynnisferð um þjónustustofnanir í Ísafjarðarbæ:

Vestrahúsið með Háskólasetri, Fræðsluniðstöð, Atvinnuþróunarfélagið, Teiknistofuna Eik ásamt mörgum öðrum. Edinborg menningarmiðstöð. Nýji grunnskólinn. Gamla sjúkrahúsið(safnahúsið) og e.t.v. fleiri staði.

Leiðsögumaður: Sigurður Pétursson sagnfræðingur(dóttursonur Hjartar Sturlaugssonar í Fagrahvammi). Hressing einhverstaðar á leiðinni.

Nauðsynlegt er að bóka sig í skoðunarferðina.

´                                                  ÁTTHAGAFÉLAG STRANDAMANNA

Heilsugæslan, hið stórgóða nýja leikrit eftir Lýð Árnason var frumsýnt hjá okkur hér í Arnardal um síðustu helgi. fullt var á sýningarnar bæði föstudags- og laugardagskvöld og ætlaði þakið að rifna af Fjósinu vegna tíðra hlátraskalla. Sýnt verður með sama sniði nú á föstudag og laugardag, þ.e. matur - leiksýning - tónleikar og eru það síðustu sýningarnar með þessu sniði. Uppselt er á laugardag en við eigum nokkra miða á föstudagskvöld, miðaverð 4900. Síðan erum við búin að bæta við fjórum aukasýningum sem hér segir:

Sunnudaginn 11. okt kl. 15
Föstudaginn 16. okt kl: 23:30 - Miðnætursýning
Sunnudaginn 18. okt kl. 15 og kl. 20:30

Miðaverð 1900 kr.

Íslendingar hafa löngum státað af besta heilbrigðiskerfi í heimi. Við hrósum okkur yfir háum meðalaldri, þjónustu í hæsta gæðaflokki og frábærum læknum. En er kerfið eins gott og af er látið? Er það hugsanlega farið að vinna gegn tilgangi sínum? Er aukinni eftirspurn sjúkdóma svarað með meira framboði? Hvaða tilgangi þjónar góð heilsa? Metum við líf í magni eða gæðum?

Leikritið, Heilsugæslan, er samið af lækni, Lýð Árnasyni, og gefur áhorfandanum sýn inn í þetta völundarhús og það sem býr að tjaldabaki.

Heilsugæslan er gamanleikur og öll hlutverk í höndum tveggja leikara, þeirra Elfars Loga Hannessonar og Margrétar Sverrisdóttur.

Heilsugæslan er hápólitískt leikrit og umfjöllunarefnið brennandi á íslenzku þjóðfélagi, ekki sízt núna, í skugga niðurskurðar.

Heilsugæslan fyrir alla!

Matur - Leiksýning og menningarlegir tónleikar í eftirrétt


Frumsýning: Fös. 2. október kl.19.30. Megakukl spilar.

2. sýning: Lau. 3. október kl.19.30. Óvissu tónleikar.

3. sýning: Fös. 9. október kl.19.30. Óvissu tónleikar.

4. sýning: Lau. 10. október kl.19.30. Grjóthrun spilar

Í matinn er þetta helst: dýrindis-grænmetissúpa, úrval af brauði og með því á hlaðborði. Hægt er að panta eftirrétt sérstaklega.

Miðaverð fyrir mat, leiksýningu og tónleika aðeins: 4900 kr. Miðasölusími: 860 6062 einnig er hægt að senda tölvupóst á netfangið arnardalur@arnardalur.is

 

Sagnanámskeiði sem vera átti um komandi helgi í Arnardal hefur verið frestað þar til í febrúar. Fylgist með!