Föstudagur 11.júlí

19:00 Súpukvöld
Fiskisúpa og brauð í fjósinu

21:00 Kvöldvaka
Vökustjóri Úlfar Ágústsson. Harmonikkusjénið Helga Kristbjörg Guðmundsdóttir spilar fyrir gesti.

Laugardagur 12.júlí

10:00 Gönguferð á Arnarnes með Úlfari Ágússyni framkvæmdafrömuði og ferðaþjónustubónda í Arnardal. Mæting við fjósið í Heimabæ.

11:00 Gengið á Erni með Oddi Jónssyni mælingamanni og fjallagarpi.
Fyrir þá allra huguðustu! Mæting við fjósið á Heimabæ.

13:00 Gönguferð með Eyvindi P. Eiríkssyni Vestfjarðagoða og húseiganda í Arnardal. Mæting við fjósið á Heimabæ.

15:00 Ratleikur
Skemmtilegur ratleikur fyrir alla fjölskylduna. Mæting við fjósið.

16:30 Allir í sund
Hópferð á eigin bílum í sundlaugina í Bolungavík.

20:00 Muurikka-grillveisla í Fjósinu í Arnardal
Húsfreyjan í Arnardal töfrar fram dýrindis veislu á Muurikka pönnum.

21:30 Kvöldvaka
Veislustjóri Halldór Hermannsson. Sverrir Hermannsson segir sögur af Arnardalsætt. Karaókí undir stjórn Mugga hafnastjóra. Dansað með Evu Friðþjófsdóttur danskennara. Benni Sig hinn eiturhressi spilar og syngur.

Sunnudagur 13.júlí

11:00 Helgistund í fjöruborðinu
Séra Magnús Erlingsson messar.

11:30 Gönguferð í Arnardalsfjöru með Sigurði Péturssyni sagnfræðingi. Farið eftir helgistund úr fjörunni.

13:00 Málþing í fjósinu
Skrafað og skeggrætt um Arnardalsætt. Mótsslit.

Ættarmót Arnardalsættar - dagana 11.-13.júlí

Arnardalsætt er með stærri ættum landsins og erum við hér á Heimabæ voða stolt af því að búa á upprunaslóðum þessarar göfugu ættar.
Niðjum ættföðurins Bárðar Illugasonar er því gefin kostur á því að koma í Arnardal og skemmta sér saman um næstu helgi. Hægt er að tjalda í dalnum, en getur fólk komið og verið með okkur eftir hentugleika og áhuga hvers og eins.
Dagskráin kemur inn á mánudaginn en hægt er að nefna að kvöldskemmtanir verða bæði föstudag og laugardag. Hægt verður að fara í gönguferðir með leiðsögn, taka þátt í ratleik og sitja messu í fjöruborðinu.

Hér í dalnum er allt á fullu við að reka síðustu smiðshöggin áður en við getum opnað Fjósið fyrir gesti. Það er verið að bæta við klósettum og setja upp brunavarnakerfi og fleira í þeim dúr. Þetta á allt að vera tilbúið um næstu helgi svo viðeigandi aðilar geti tekið staðinn út og við fengið veitinga- og skemmtanaleyfi. Við ætluðum svo sem að vera komin lengra en þar sem við höfum nú ekki gert þetta áður þá áttuðum við okkur ekki alveg á umfanginu og að þetta gerðist ekki á einni nóttu, ágætis lexía í æðruleysi það.
Ættarmót Arnardalsættar verður hér dagana 11.-13.júlí og því óhætt að segja að það verði byrjað með pompi og prakt. Dagskráin kemur hér inn á næstu dögum - fylgist með.

Þetta er heimasíða ferðaþjónustunnar í Arnardal. Við erum staðsett í Skutulsfirði við Ísafjarðardjúp í 10 mínótna akstursfjarlægð frá Ísafirði. Við rekum veitingasal í endurgerðu fjósi sem við höfum leigt út til hópa og einnig erum við með aðstöðu til mannamóta í gömlu hlöðunni. Við erum með stórhuga áætlanir um ferðaþjónustu í dalnum okkar og getið þið fylgst með fréttum af því hvernig okkur miðar áfram hér á síðunni. Við munum einnig flytja ykkur fréttir af viðburðum og öðru slíku.

Velkomin í Arnardal